Hi Guyz,
I am Amaan Kashyap, 24 yrs, cool, fun-loving, kabhi hua krta tha. Life ko jyada serious na lene wala aur fikr ko dhuyein mein udane wala bnda tha main. Ek private company mein job krta hun aur ghar se duur akela hi apne choote se flat mein masti se jeeta hun, Ya ye kaha jaye ki jeeta tha. Us raat ke baad na hi meri zindagi normal hui aur na hi main khud.
Zindagi mein kabhi kabhi aisa lagta hai jaise sab kuch khatam ho gya. Kuch log isi darr se jeena bhool jate hain , kuch pagal ho jate hain aur kuch suicide kr lete hain. Meri zindagi ki ek raat jaisi raat kisi ne apni zindagi mein nahi bitayi hogi. Wo raat meri zindagi ki sbse bhayanak raat thi, us raat mein pal pal marr raha tha aur na chahte huye bhi wo sab ho raha tha jisse soch kr bhi insaan pagal ho jaye aur fir yhi pal pal uske dimag mein aaye that:
"I am goin to be finished now".
It was dusky Saturday evening. The clock was ticking around 6 o'clock.
Sara din company mein kaam krke kaafi thakawat mehsus kr raha tha. Pichle 48 ghanto mein main sirf 3-4 ghante hi so paya tha. Bahut buri tarah neend aa rahi thi, mujhe bas ek jagah chahiye thi jahan mein gir jaun aur wahin so jaun. Friday night shift krne ke baad jab saturday morning shift karni padti hai to life looks like a living hell. Aur wo saturday night mere liye sach mein living hell banne wali thi iska mujhe bilkul bhi andaaza nahi tha.
Company se nikalte hi maine market ki taraf gaadi ghuma li.
Saturday- 6 o'clock Evening
"Yar ek Codeine dena." , sar dard se fata ja raha tha to socha ki flat mein jane se pehle medicine le lun.
"Sir kitni tablets dun."
"Filhaal to ek hi", meri aankhein buri tarah band ho rahi thi.
"Kitna hua...??"
....
"Kitna huaa..??"
Shop pr bheed kuch jyada hi thi, wo akela hi sbko handle kr raha tha shayad isliye meri awaaz nhi suni.
"Ary yar tu ek tablet ke paise kaat le na pehle.", thoda sa gussa tha meri awaaz mein.
"Laaiye sir 3 Rupees huye aapki tablet ke".
Maine 100 ka note uske aagey kr diya.
"Sir khulle de do, mere pass change nhi hoga", usne duur se dekhte hi bol diya.
Mera dimag ghuum raha tha aur main jald se jald wahan se nikalna chahta tha.
"Sunn tu ye 100 ka note rakh , main baad mein aaker tujhse change le lunga."
"Theek hai sir aap kal subah aaker change le jana. Par kal sunday hai isliye hum kuch der ke liye hi shop kholenge. Aapko cell number deta hun ruko, kal aane se pehle ek baar call kr lena ki shop khuli hai ya nahi".
"Ary yaar jo krna hai jaldi kar, mera sar ghoom raha hai."
"Ek min bas inka bill kaat dun fir aapka hi kaam krta hun", shopkeeper ki bhi majboori thi akela hi sab ko sambhaal raha tha.
"Apna phone number to atleast apni shop ke uper hoarding pr print krwa lo. Ek phone number ke chakker mein 5 min ho gye mujhe khade".
"Ary sir, kaun faltu ka kharcha krein hoarding-woarding mein, waise bhi roz roz thodi na aate hain aap jaise customer jinhe number dena pde. Ye lijiye ye hai mera number."
Maine uski parchi jeb mein daali , gaadi start ki aur full speed se flat ki aur chal diya.
6:45 pm
Finally mein apne flat ke darwaze tk pahunch hi gya. Jaldi se door open krke, seedha jakr bed pr gir gya aur within 2 sec main gehri neend mein tha.
8:15 P.M
Zor se ek dhamaka hua aur meri gehri neend bhi kb tuut gyi pata hi nhi chala. Bahar road par shayad kuch hua hai. Main fatafat khidki ki aur dauda aur neehce road pr nazrein daudai.
Oh shitt, neeche ka manzar dekh kr to meri aankhen jo thodi thodi bnd bhi ho rahi thi , wo bhi khuli ki khuli reh gyi.
2 cars aamne saamne se takrayi thin. Mujhe nhi lagta ki dono drivers mein se ko bhi bacha hoga. par ye kya unme se ek car reverse hui aur tezi se aagey nikal gyi. Isse pehle main kuch samjh pata jo dusri car thi uske ander se mujhe khoon road pr behta hua dikha. Mera flat second floor pr tha isliye maine lift ki bhi wait nhi ki aur stairs se hi bahut tezi se neeche ki aur dauda.
Neeche pahunchte hi dekha ki car ka darwaza bhi tuut gya tha aur usi taraf se khoon bhi beh raha tha. Main jaise hi nazdeek gya to maine expect bhi nhi kiya tha ki mujhe driver seat pr ek ladki milegi itni buri haalat mein. Wo bahut buri tarah injured thi pr saansein abhi bhi chal rahi thi. Uska poora chehra khoon se ranga hua tha aur agar isi raftaar se khoon behta rehta to usko bacha paana mushkil tha.
"Hey, kya tum meri awaaz sunn sakti ho," maine uske gaalon ko thapthapate huye poocha. Par wo concious state mein nhi thi. Maine uski gaadi ka number note kiya, ye delhi ki number tha.
Maine tabhi hospital call kiya "There is an emergency here, in frankin road aprartment, K-1, plz send the ambulance fast."
"Ok, we are sending, but what is your name sir?"
"Amaan"
"Ok Amaan, we'll be there within 15 mins. You just stay there and wait."
"Look , 15 mins gonna be too late, she is severly injured, try to come fast".
"Ya, the ambulance is on its way. You do one thing. try to stop her bleeding. Give her a first aid and try to tie the bleeding parts till the ambulance reach".
Ab mujhe kuch samjh nahi aa raha tha, ki karun to kya karun. Fir mujhe yaad aya ki room pr kaafi bandages padi hain, main bina ek pal bhi der kiye uper ki aur dauda.
Room par pahunchte hi maine sabhi almirahs chhaan maari pr bandages kahin mil hi nahi rahi thi.
Tabhi meri door bell bji aur jaise koi bell pr hath rakh kr hath uthana hi bhool gya ho
"TING-TONG"
"TING-TONG"
"TING-TONG"
"TING-TONG"
8:35 PM
Aur maine bhi gusse mein jaise hi door open kiya to samne police thi.
Thank god aap log aa gye, dekhiye wo bahut buri tarah injured hai aap usse jaldi se hospital le jaiye. Waise maine ambulance ko bhi call kr di hai, wo bhi abhi pahunchne wale hi honge.", maine ek hi saans mein ye sb bol diya aur inspector mujhe aise dekh raha tha jaise usse kuch samajh hi na aa raha ho.
"Are you Amaan Kashyap?", inspector ka pehla swaal yhi tha mere liye.
"Yes inspector."
"Hume aapke flat ki talaashi leni hai."
Uske muh se aisa sunn kr main kaafi shocked hua.
"Whattt !!!, mere flat ki talaashi?? Par kyun."
"Kyunki hume pata chala hai ki aapke flat mein kisi ka murder hua hai."
"Whattt, what are u saying inspector.Aapka dimag to kharab nahi ho gya. Neeche sadak par ek ladki marr rahi hai aur aap aaker aisa mazak kr rahe hain.", mujhe najane kaise achanak hi itna gussa aa gya.
"Kaun ladki, kiski baat kar rahe ho tum.", inspector ke is sawaal ka jawab bhi mere paas tha.
Main usse apne room ki khidki ke paas le gya aur usse ishare se neeche dekhne ko kaha.
"Neeche jhankar dekhiye inspector, abhi abhi wahan 2 cars ka accident hua hai, aur wahan ek ladki bhi dikhegi jo zindagi aur maut ke beech jhool rahi hai".
Inspector ne bina koi pal gawaye khidki se neeche ki aur jhanka aur 2 min tk wahin dekhta raha. Shayad jaise mujhe wo nazara dekhne pr shock laga tha , ab inspector ko bhi wahi shock laga hoga.
"Kyun inspector dekh liya na yahan koi murder nahi hua balki ek accident hua hai, aapko kisi ne galat information di hai".
"Ohh, I see, tum sahi keh rahe ho. Yahan accident hi hua hai aur wo bhi itna bura accident ki na to wahan koi car dikh rahi hai na hi koi ladki aur na hi kisi ka khoon baha hai. Sahi mein bahut bura accident hua hai.", inspector kaafi serious tha aur uski ye baat sunnkr main pehle se bhi jyada serious ho chuka tha.
"Kya baat kr rahe ho inspector, wo wahin to hai neeche, dhyan se dekho road pr.", maine duur se hi inspector ko fir se ishara krke neeche dekhne ko kaha.
"Maine toachhi tarah se dekh liya hai Mr. Amaan, mujhe lagta hai ki tumhe ek baar achhe se neeche dekh lena chahiye.", dobara dekhe bina hi wo inspector itna confident tha ki ab to main bhi khidki ki taraf tezi se badh raha tha.
Aur neeche dekhte hi jaise mere pairon ke neeche se zameen khisak gyi ho. Neeche sab kuch normal tha, na hi koi car khadi thi na hi wo khoon mein lathpath ladki aur na hi kuch aisa lag raha tha ki wahan koi accident bhi hua hai.
"Inspector, abhi 10 mins pehle wo yahin thi, maine khud usko dekha tha, uski car buri tarah se damaged thi, maine usse baat bhi ki par wo unconcious thi, beleive me inspector. Main khud samjah nhi pa raa hun ki ekdum se wo kahan chali gyi.", itna to main us accident ko dekhkr nahi ghabraay tha jitna ki ab wahi cheez na dekh kr ghabra raha tha.
"Kya main jaan sakta hun ki aapki saari almirahs aur kapde yun bikhre kyun pade hain Mr Amaan?", inspector ne meri baaton ko ignore krke apna swaal mere aagey rakh diya.
"Main us ladki ke liye bandage lene aya tha. Wahi dhoondh raha tha , isliye sabhi kapde idhar udhar ho gye".
"To fir aapko bandage mili ya nahi", inspector ne badi utsukta se poocha.
"Nahi inspector pata nahi kahan rakh di, aur abhi dusre room mein dhoondhne ja hiraha tha ki aap aa gye", maine saaf saaf sb bta diya.
"Ohh Agr aapko bandage nahi mili to ye aapke hath mein kya hai", inspector ne mere hath ki aur ishara krte huye kaha aur meri aankhen fati ki fati reh gayi, sari bandages mere hath mein thin.
"Bas bahut drama ho gya Mr. Amaan, ab sach sach batao yahan kya hua tha", inspector meri koi bhi baat sunne ke mood mein nahi tha aur isse pehle ki main kuch bolta uska ek constable zor se cheekha
"Saab khoon, khoon saab", uski tez awaaz ne hum dono ke kaan khade kr diye aur hum washroom ki aur daude.
Aur wahan jakr to jaise main behosh hone hi wala tha. Saamne bath'tub mein ek ladki ki laash padi thi.
"Inspector main nahi janta ye kaun hai yaahn par kaise aayi.", main samajh nhi paa raha tha ki aakhir ye sab ho kya raha hai. Aur wo inspector har baar ki tarah is baar bhi meri ek bhi nhi sunn raha tha.
"Saab lagta hai kisi ne iska gala kaatkr iska murder kiya hai", constable aur inspector mein guftgu shuru ho gyi.
"Ae Bishanva, laash ko bath'tub se bahar nikal aur seedha kr, chehra to dekhein iska , aakhir hai kaun ye".
Aur jaise hi unhone us ladki ki laash ko seedha kiya, mujhe ek aur shock laga.
"Oh shitt, ye to !!!! ye to wahi hai." , mere zabaan ladkhada rahi thi.
"Kaun wahi ??", inspector ka agla sawaal.
"Wahi, jiske liye main bandage lene aya tha. I mean isi ka to accident hua tha neeche. Par ye ye yahan kaise aa gyi?" mujhe apni aankhon pr vishwaas nahi ho raha tha.
"Saab saab idhar aao, ye dekho..", bedroom se awaaz aayi is baar.
Jo scene main wahan dekh raha tha mujhe khud ki aankhon pr vishwaas hi nhi ho raha tha.
"Saab inke bed ke neeche se ye khoon mein ranga chaku mila hai aur inke takiye ke neeche se ye white color ka kuch powder bhi mila hai.", constable ke hathon mein chaku aur wo white powder dekh kr main bhochakka reh gya.
"Ary na to ye chaku mera hai aur na hi maine kabhi aisa koi powder hi liya hai. Ye cheezein meri nahi hain inspector.", mere hi flat mein pichle 2 ghnto mein mujhe aisi aisi cheezein mil rahi thi jinko kabhi maine dekha bhi nahi tha.
"Bas bahut ho gya, ab jo bhi kehna sunna hai police station jakr krna. You are under arrest.", inspector ne hathkadiyan nikalte huye bola.
"Aur ab tumhara blood test bhi krwana padega, mujhe shakk hai ki tum drugs lete ho aur is waqt bhi tumne drugs li hain, tumhari aankhon se saaf saaf pata chal raha hai."
"What the hell main nahi karwaunga koi blood test and you cant arrest me like this without arrest warrant", maine chalne se mana kiya.
"Tumhe shakk ki binah pr arrest kr rahe hain, and i can definitely do that Mr. Amaan aur agar tum bekasoor ho to blood test se darr kyun rahe ho. Agar kuch na hua to tumahri begunahi mein hi help krega ye tumhari".
Uski baat bhi sahi thi, jab maine kuch kiya hi nahi tha to main darun kyun. Aur maine blood sample de diya.
Inspector fir constables ki taraf muda " suno, tum log achhe se pure flat ki tafteesh krlo. Jitne bhi saboot mile sab ikathhe krlo aur laash ke aaspaas jitni bhi cheezein hai wahan se fingerprints lena mat bhoolna. Ye case to main aaj raat mein hi solve kr dunga.", aisa bol kar jb wo muskura raha tha to aisa lag raha tha jaise wo mujhe jaankr is case mein fasana chahta hai. Isse pehle ki main kuch samjh pata , hathkadiyan mere hathon mein thi aur main jeep mein.
9:45 pm
"To ab tum mujhe sab sach sach btaoge ki aakhir kahani kya hai , hua kya tha, aur kyun mara tumne us ladki ko", police station mein inspector ki awaaz ab aur tez gunjne lagi thi.
"Kitni baar kahun , maine koi murder nahi kiya, main nahi janta kaun hai wo.", gusse mein tilmila sa gya tha main.
"Achha to tum usse nahi jante !! To aisa lagta hai ki uski laash ko tumhara washroom pasand tha, isliye khud chalkr aayi aur wahan leit gayi.", inspector meri baat samjhne ki koshish hi nahi kr raha tha.
"Dekhiye inspector meri baat dhyan se suniye, main 5:30 bje apne office se nikla tha aur medicine lekr seedha apne flat mein jakr so gya. Uske baad ek dhamake ki awaaz ne mujhe utha diya aur jab maine bahar dekha to 2 cars ka buri tarah se accident hua tha. Uske baad kya hua main aapko pehle hi bta chuka hun.", maine apni sari kahani ek baar fir uske samne rakh di.
"Agar ek min ke liye ye maan bhi lein ki wo khoon tumne nahi kiya to wo laash tumhare flat mein aayi kaise. Tum to akele rehte ho na apne flat mein to fir tumhare siva aur koi to aata jata nahi hoga,", inspector ki baat mein bhi logic tha, main khud hairaan tha ki aisa kaise ho sakta hai.
Tabhi inspector ke table ke uper pada phone zor zor se bjne laga.
Tring-Tring, Tring-Tring..
"Hello, inspector Vaghmare here".
......
"What !! , Are you sure. Theek hai reports lekr jaldi police station pahuncho".
"Haan to Mr. Amaan, abhi thodi der pehle main keh raha tha ki agar main maan bhi lun ki tumne ye murder nahi kiya to . Par afsos ki baat ab ye hai ki main ab ye bhi nahi maan sakta ki ye murder tumne nahi kiya".
"Main aapka matlab nahi samjha inspector.", main inspector ko samjahne ki koshish kr raha tha.
"Jo chaku tumhare bed ke neeche se mila hai aur jo powder mila hai , jispe hume shakk hai ki wo drugs hain " usse forensic department bhej diya gya hai aur uski report abhi 2 ghnte mein aane wali hai. Ab drug report aur fingerprint report aane par sab kuch saaf ho jayega. Abhi 2 ghanto mein pata chal jayega ki us chaku pr kiski ungaliyon ke nishaan hai".
Ab mera sar aur bhi fata ja raha tha.
11:45 pm
2 ghante beet chuke the aur jiska sabko besabri se intezaar tha wo time aa hi gya tha. Finger print reports aane hi wali thi.
Tabhi tez kadmo ki awaaz ne sbka dhyan room mein enter krte huye us constable ki aur kheench liya jiske hath mein forensic report wala envelope tha.
Envelope hath mein aate hi inspector bade maze lekr usse khol raha the "Lo Amaan ji aapki kismat mere hathon mein hai, ab dekhna ye hai ki is paar ya us paar".
Isse pehle ki wo envelope kholta, ek constable duur se hi cheekhta hua aa rha tha "Saab saab, ye jo powder mila tha inke bedroom se chaku ke paas pada hua iski bhi report aa gyi hai forensic lab se." , aur ek aur envelope thama diya usne inspector ke hath.
"Wah, ab to 2-2 envelope hain, dekhte hain ki kaun sa envelope kya kismat lekr aya hai".
Aur ek ek krke wo dono envelope khol chuka tha. Main uski aur dekh raha tha , kaafi relaxed expression the jaise kuch hua hi na ho.
"Dekha maine kaha tha na is murder se mera koi lena dena nahi hai, now leave me.", main bahut jald in sbse nikalna chahta tha.
"Wait..... abhi itni jaldi bhi kya hai.. Kaafi time se wait kiya hai aapne bhi in reports ka to result to sunte jaiye.", inspector ki aankhen chamak rahi thi.
"Aapki dono reports positive aayi hain Mr. Amaan. Chaku pr ungliyon ke nishaan aapki ungaliyon ke nishaano se match krte hain aur according to forensic department ye powder Cocaine hain", inspector ne mujhe installments mein jaise zor ke jhatke diye the.
"What the hell, aisa ho hi nahi sakta , jab maine ko khoon kiya hi nahi to meri ungaliyon ke nishaan kaise aa sakte hain us chaku par,. Inspector try to understand mujhe koi fasane ki koshish kar raha hai. Maine aaj tak beer nahi pee to main drugs kya lunga. Main pichle 48 ghnto se nahi soya hun isliye meri aankhen aapko aisi lag rahi hain. Come on, somebody is playing a game with me. Aap samajhne ki koshsh kyun nahi kr rahe.", main buri tarah se bokhla chuka tha.
"Ohh, to aap pichle 48 ghanto se soye nahi isliye apki aankhonmein jo nasha hai wo drugs ka nahi neend ka hai. Hahaha. achha joke tha Mr. Amaan. Par aapko ek news deni to baaki hai. Aapki blood sample mein isi Cocaine ki presence hai, That means ki is waqt aap Cocaine ke nashe mein hain", ye sunkr mere chehre ka rang ud chuka tha. Koi bahut bada game khel raha tha mere sath aur ab main buri tarah fans chuka tha.
"Ye nahi ho saka inspector , maine sirf medicine li hai wo bhi headache ki. Shayad mere blood sample mein usi ke ingredients mile hon."
"Aisa kuch nahi hai, report mein saaf saaf likha hai ki tumne sirf cocaine li hai aur koi medicine ke ingredients tumhare sample mein nahi mile. Ab to sabhi saboot yahi ishara kr rahe hain ki tumhi ne ye murder kiya hai. Kyun kiya ab ye tum mujhe btaoge".
"Ary main keh raha hun na maine koi murder nahi kiya aur na hi koi drugs li, main poore hosh mein hun aur ek ek cheez bta sakta hun ki 5 bje ke baad se kya kya hua. Mujhe achhe se yaad hai office ke baad main seedha medicose ki shop pr gya , ek 3 rupees ki codeine li , uske paas change nahi tha t usko 100 rupee ka note diya aur kaha ki baad mein change le jaunga aur fir usne kaha ki kal le jana, pr sunday hai aur shop thodi der ke liye hi open hogi , apna number diya aur main... Ek minute ek minute, inspector. Aapko yakeen nahi ho raha na meri baat ka, mere paas us shopkeeper ka number hai, aap abhi usse call krke puch lein mere baare mein ki main usse medicine lekr gya tha ya nahi. Ye lijiye uska number".
Aur inspector ki ungaliyan phone number dial krti chali gyi aur phone bhi speaker par rakha gya tha taaki sabhi sachhai ko sunn sakte.
"Hello , Inspector Vaghmare bol raha hun. Tumse kuch pooch-taachh krni hai. Kya aaj shaam ko 6 bje koi sar dard ki medicine lene aya tha, jisne tumhe 3 rupees ke badle 100 rupees diye the."
"Nahi sir, aisa to koi bnda aaj shop par nahi aya. Aur 6 bje koi kaise aa sakta hai. Aaj dopahar 2 bje ke baad se to shop hi open nahi ki humne. Ghar pr koi function tha na isliye.", shopkeeper ki baat sunkr mujhe mere kaano pr yakeen hi nahi hua aur maine phone apni aur krke usse gusse mein.poocha " Ary main tumhari shop pr aya tha shaam 6 bje . sar dard ki goli lene, Maine 100 rupees diye the tumhe. Tumne kahan tha ki kal ko change le jana aur fir ye number bhi to tumhi ne mujhe diya tha".
"Ary kya baat kar rahe ho bhai saab, koi galat fehmi hui hai aapko, aaj to dopahar se hi shop bnd hai aur kal bhi bnd hi rahegi. Aur mera cell number to meri shop ke uper hi likha hua hai, koi bhi wahan se note kr sakta hai."
"Jhoot....... jhoot bol rahe ho tum, maine khud dekha hai tumhari shop pr koi hoardind nahi laga jispr tumhara number likha ho. Tumhi ne kaha tha na ki kaun faltu ka kharcha kre in cheezon pr."
"Aap kya bol rahe ho sir, ek kaam karo khud jakr dekh lo abhi , meri shop pr mera number likha hua hai ya nahi.", aur shopkeeper ke itna bolte hi inspector ne phone kaat diya.
"Ye jhoot bol raha hai inspector", mere chillane se poora police station gunj utha.
"Chillao mat Mr. Amaan. Bas ek tumhe chodkar sabhi yahan jhooth bol rahe hain. Tum hi to ho ek satyawadi. Kyun??", inspector ki awaaz mujhse bhi jyada gunjne lagi.
"Haan haan main sach bol raha hun. Nahi yakeen hota to chalo mere sath aur khud dekh lo ki wahan hoarding hai ya nahi".
"Chalo, tumhari ye khwahish bhi poori kr dete hain. Par ek baat samajh lena agar is baar bhi tumhari baat jhooti nikli to tumhe mujhse koi nahi bacha sakta", inspector ki dhamki pr mera itna dhyan nahi tha jitna main apne aap ko begunah saabit krne ki soch raha tha har pal.
12:30 AM
Jaise hi hum jeep ki taraf badhne lage to ekdum se meri aankhon ke aagey andhera sa chhane laga, mujhe chakker sa mehsus ho raha tha. Abhi tak main yahi soch raha tha ki neend poori na hone ke karan main weak mehsus kr raha hun. Par ab mujhe bhi lag raha tha ki jaise koi nasha sa chadhne laga tha mujhe. Kahin wakai mein to maine Cocaine nhi li thi. "Main bhi bevkoof hun , kuch bhi sochta rehta hun. Maine aajtak cocaine kaisi hoti hai ye bhi nahi pata, aur khaani to bahut duur ki baat hai. To ho kya raha hai mujhe. I am not getting , what the hell is happening". Main khud se hi sawaal kr raha tha aur khud hi ko jawaab bhi de raha tha. main sach mein pagal ho raha tha.
kab jeep us shop ke aagey pahunch gyi pata hi nahi chala.
"Lo Mr. Amaan , aa gye aapki shop par", inspector ne mujhe shop ki taraf ishara krte huye kaha.
Aur meri nazar seedha shop ke uper lage us hoarding par gyi jahan shop ka naam aur number tha.
"But how could it be possible, abhi shaam tk to ye yahan nahi tha", meri aankhon ko vishwaas nahi ho raha tha.
"Bas bahut ho gya, har baat jhooti saabit hui hai tumhari. Koi bhi hoarding itni jaldi tayar hokr nahi lg sakta aur paint bhi itni jaldi nahi sukhta Mr. Amaan. Ab tumhe is case mein koi nahi bacha sakta . You Are Finished, completly finished. Ab aur kuch hai dikhane ko ya sunane ko??", inspector ki awaaz kaafi bhari ho gyi thi.
"Chalo ab gaadi mein baitho", inspector meri baju pakadte huye gaadi ki taraf chal diya.
"Gaadi, wait inspector. Mere paas us gaadi ka number hai jis accident mein us ladki ko maine dekha tha", mere liye abhi ek darwaza aur khula tha.
"What rubbish, jab wahan koi accident hua hi nahi to tumne kis gaadi ka number note kr liya. Ab ek aur nayi kahani banane lage ho. Par is baar aur bevakoof nahi bana sakte. Chup chaap chalo police staion.", inspector meri kisi baat ko sunne ko tayyar nahi tha.
"Main police station jane se mana nahi kr raha , par aap samjhne ki koshish kyun nahi krte ki maine koi murder nahi kiya. Main is case mein fasaya ja raha hun , kisi ne bahut badi game kheli hai mere sath. Please aap mera sath do inspector. Bas ek baar aur mauka do mujhe begunah saabit krne ka", maine inspector ko convince krne ke liye poori jaan laga di thi.
"Theek hai , ye last chance hai. Car ka number btao".
"DL05192", ye number maine apne hath mein hi likh liya tha.
Constable ko kehkr usne us gaadi ki details mangwayi. Hum police station wait kar rahe the ki tabhi constable aa gya details lekr. Aur jab inspector ne details dekhi to is baar uski aankhen fat rahi thi.
"Kya hua inspector, pta lag gya na kiski gaadi hai wo. Kaun thi wo ladki. Uska address bhi mil gya hoga.", maine question ki line laga di thi uske samne.
"Lo tum khud hi padh lo details", inspector ne file mere aagey kr di.
"Aur jab maine us file mein car owner ka naam dekha to mere pairon ke neeche se zameen khisak gyi. Naam tha "Mr. Amaan Kashyap". "
Address bhi mera hi tha.
Par ye kaise ho sakta hai, maine to aisi car kabhi khareedi hi nhi.
Ab inspector ki nazrein mujhpr aur kadi ho gayin thi.
"Tumahri har baat jhooti saabit hui hai abhi tak aur sabhi baatein yahi ishara krti hain ki tumne hi ye murder kiya hai. Ab ya to khud sab sach sach bta do ya fir hume 3rd degree use krni padegi. Aur uske baad tumhari zubaan yahan khulengi ya fir aankhen hospital mein"., inspector ka kada rukh badhta ja raha tha.
"Aap chahe mujhe yahan rakhein ya hospital, main tab bhi yhi kahunga ki maine ye murder nahi kiya",meri awaaz shayad wahan ki deewaron ke alawa aur koi nhi sunn raha tha.
"Ek minute, ek minute inspector. Mujhe yaad aa raha hai. Maine hospital call ki thi ambulance ke liye. Aap abhi hospital bat krke pata kr lijiye. Unhone hi mujhe first aid dene ko kaha tha.", ek halki si roshni ki umeed abhi baaki thi.
"Tumne police ko samjh kya rakha hai , jaise chaho apni ungaliyon pr nachate rahoge. Abhi tak tumhari ek baat bhi sahi saabit nahi hui. Ab ek aur nayi kahani tayyar krli tumne", inspector apna dnda table pr patakte huye chhillaya.
"Rukiye , main abhi baat krwata hun aapki unse", aur fatafat keypad pr meri ungaliyan daudne lagi.
"Hello", dusri taraf se awaaz aayi.
"Dekhiye abhi thodi der pehle maine yahan call krke ek emergency entry karwayi thi ambulance ke liye. Aap please us call ke records aur information jo maine di thi , wo check kr sakte hain abhi", mera gala bhi ab to sukhne laga tha.
"Wait, wait, wait... Aap kiski baat kar rahe ho. Kahan number milaya hai aapne.", dusri taraf se kaafi unexpected response aya.
"Ary ye St. Teresa hospital hi hai na. Abhi to maine yahan call ki thi".
"Dekhiye aapko kisi ne galat number diya hai, ye koi hospital nahi ye St. Jorge Marchandise Church hai. Sorry to say my son, this is wrong number", aur udhar se phone kaat diya gya.
"Hello hellllooooo, listen to me. Kyun aap sab log jhoot bol rahe hain. Kyun sab ajeeb behave kr rahe hain. Aakhir bigada kya haimaine tum logo ka.", dusri taraf se phone ktne ke baad bhi main yuhin phone pr chillata raha par har baar ki tarah is baar bhi koi sunne wala nahi tha.
"Inspector ye jhoot bol raha hai, main pichle 6 mnths se isi hospital se apne friend ka migrane ka ilaaj karwata raha hun. Aur doctor se isi number par hi main appointment leta hun. Abhi last week hi maine wahan visit kiya hai. Ye jhoot bol rahe hain inspectorrr.", main poora paseene se tar-batar tha.
"Haan haan saari duniya jhooti hai bas ek tum hi raja harish chander paida huye ho. Ye dekho sabhi hospital records, inme kahin bhi is naam ka hospital hai hi nahi. Kam se kam naam to wo liya hota jo exist bhi krta Mr. Amaan".
"Nahi aisa nahi ho sakta, aap chaliye abhi mere sath , main aapko dihata hun, ye is sheher ka sbse bada hospital hai. Aapko kaise nahi maloom iske baaer mein. Aap abhi chaliye inspector.", maine apni taraf se poora insist kiya.
"Dekho, bahut bevakoof ban liye hum aur bahut bana liya tumne. Ab hume majboor mat karo apni aukaat pr aane ke liye aur khud hi sab kuch sach sach bta do", inspector apni seat se uth gya.
"Kitni baar kahun , ye khoon maine nahi kiya, nahi kiya ye khoon maine. Bas ek baar, meri aakhri khwahish samjh kr hi sahi, pr ek baar aap mere sath us hospital chaliye inspector. Please.", mere paas gidgidane ke alawa koi aur chara bhi nahi bacha tha. aur shayad is baar bhi inspector ko kuch laga ki wo meri baat maan gya aur hum hospital ki aur badh chale.
1:15 AM
"Stop, stop inspector, yahi wojagah hai jahan hospital hai.", maine aaspaas ki buildings dekhte hi bta diya.
"Agar jagah yahi hai to hospital kahan hai Mr. Amaan ?"
Aur jab main jeep se bahar nikla to mera dimag fatt sa gya. Wahan pr hospital ki building hi nahi thi aur jo building wahan thi , wo thi "St. Jorge Marchandise Church" .
Ye koi mazak nahi tha, aur na hi main pagal hua tha. Ye meri zindagi ka jeeta jagta bhayanak sapna tha. Aur ab main buri tarah se tuut chuka tha aur meri har umeed bhi tuut chuki thi.
Mujhe kuch pata nahi chal raha tha ki aakhir kuch hi ghanto mein sari duniya aur haqeeqat badal kaise gayi bas ek hi baat ab mujhe pata thi that
"I am goin to be finished now".
END OF PART - 1
I am Amaan Kashyap, 24 yrs, cool, fun-loving, kabhi hua krta tha. Life ko jyada serious na lene wala aur fikr ko dhuyein mein udane wala bnda tha main. Ek private company mein job krta hun aur ghar se duur akela hi apne choote se flat mein masti se jeeta hun, Ya ye kaha jaye ki jeeta tha. Us raat ke baad na hi meri zindagi normal hui aur na hi main khud.
Zindagi mein kabhi kabhi aisa lagta hai jaise sab kuch khatam ho gya. Kuch log isi darr se jeena bhool jate hain , kuch pagal ho jate hain aur kuch suicide kr lete hain. Meri zindagi ki ek raat jaisi raat kisi ne apni zindagi mein nahi bitayi hogi. Wo raat meri zindagi ki sbse bhayanak raat thi, us raat mein pal pal marr raha tha aur na chahte huye bhi wo sab ho raha tha jisse soch kr bhi insaan pagal ho jaye aur fir yhi pal pal uske dimag mein aaye that:
"I am goin to be finished now".
It was dusky Saturday evening. The clock was ticking around 6 o'clock.
Sara din company mein kaam krke kaafi thakawat mehsus kr raha tha. Pichle 48 ghanto mein main sirf 3-4 ghante hi so paya tha. Bahut buri tarah neend aa rahi thi, mujhe bas ek jagah chahiye thi jahan mein gir jaun aur wahin so jaun. Friday night shift krne ke baad jab saturday morning shift karni padti hai to life looks like a living hell. Aur wo saturday night mere liye sach mein living hell banne wali thi iska mujhe bilkul bhi andaaza nahi tha.
Company se nikalte hi maine market ki taraf gaadi ghuma li.
Saturday- 6 o'clock Evening
"Yar ek Codeine dena." , sar dard se fata ja raha tha to socha ki flat mein jane se pehle medicine le lun.
"Sir kitni tablets dun."
"Filhaal to ek hi", meri aankhein buri tarah band ho rahi thi.
"Kitna hua...??"
....
"Kitna huaa..??"
Shop pr bheed kuch jyada hi thi, wo akela hi sbko handle kr raha tha shayad isliye meri awaaz nhi suni.
"Ary yar tu ek tablet ke paise kaat le na pehle.", thoda sa gussa tha meri awaaz mein.
"Laaiye sir 3 Rupees huye aapki tablet ke".
Maine 100 ka note uske aagey kr diya.
"Sir khulle de do, mere pass change nhi hoga", usne duur se dekhte hi bol diya.
Mera dimag ghuum raha tha aur main jald se jald wahan se nikalna chahta tha.
"Sunn tu ye 100 ka note rakh , main baad mein aaker tujhse change le lunga."
"Theek hai sir aap kal subah aaker change le jana. Par kal sunday hai isliye hum kuch der ke liye hi shop kholenge. Aapko cell number deta hun ruko, kal aane se pehle ek baar call kr lena ki shop khuli hai ya nahi".
"Ary yaar jo krna hai jaldi kar, mera sar ghoom raha hai."
"Ek min bas inka bill kaat dun fir aapka hi kaam krta hun", shopkeeper ki bhi majboori thi akela hi sab ko sambhaal raha tha.
"Apna phone number to atleast apni shop ke uper hoarding pr print krwa lo. Ek phone number ke chakker mein 5 min ho gye mujhe khade".
"Ary sir, kaun faltu ka kharcha krein hoarding-woarding mein, waise bhi roz roz thodi na aate hain aap jaise customer jinhe number dena pde. Ye lijiye ye hai mera number."
Maine uski parchi jeb mein daali , gaadi start ki aur full speed se flat ki aur chal diya.
6:45 pm
Finally mein apne flat ke darwaze tk pahunch hi gya. Jaldi se door open krke, seedha jakr bed pr gir gya aur within 2 sec main gehri neend mein tha.
8:15 P.M
Zor se ek dhamaka hua aur meri gehri neend bhi kb tuut gyi pata hi nhi chala. Bahar road par shayad kuch hua hai. Main fatafat khidki ki aur dauda aur neehce road pr nazrein daudai.
Oh shitt, neeche ka manzar dekh kr to meri aankhen jo thodi thodi bnd bhi ho rahi thi , wo bhi khuli ki khuli reh gyi.
2 cars aamne saamne se takrayi thin. Mujhe nhi lagta ki dono drivers mein se ko bhi bacha hoga. par ye kya unme se ek car reverse hui aur tezi se aagey nikal gyi. Isse pehle main kuch samjh pata jo dusri car thi uske ander se mujhe khoon road pr behta hua dikha. Mera flat second floor pr tha isliye maine lift ki bhi wait nhi ki aur stairs se hi bahut tezi se neeche ki aur dauda.
Neeche pahunchte hi dekha ki car ka darwaza bhi tuut gya tha aur usi taraf se khoon bhi beh raha tha. Main jaise hi nazdeek gya to maine expect bhi nhi kiya tha ki mujhe driver seat pr ek ladki milegi itni buri haalat mein. Wo bahut buri tarah injured thi pr saansein abhi bhi chal rahi thi. Uska poora chehra khoon se ranga hua tha aur agar isi raftaar se khoon behta rehta to usko bacha paana mushkil tha.
"Hey, kya tum meri awaaz sunn sakti ho," maine uske gaalon ko thapthapate huye poocha. Par wo concious state mein nhi thi. Maine uski gaadi ka number note kiya, ye delhi ki number tha.
Maine tabhi hospital call kiya "There is an emergency here, in frankin road aprartment, K-1, plz send the ambulance fast."
"Ok, we are sending, but what is your name sir?"
"Amaan"
"Ok Amaan, we'll be there within 15 mins. You just stay there and wait."
"Look , 15 mins gonna be too late, she is severly injured, try to come fast".
"Ya, the ambulance is on its way. You do one thing. try to stop her bleeding. Give her a first aid and try to tie the bleeding parts till the ambulance reach".
Ab mujhe kuch samjh nahi aa raha tha, ki karun to kya karun. Fir mujhe yaad aya ki room pr kaafi bandages padi hain, main bina ek pal bhi der kiye uper ki aur dauda.
Room par pahunchte hi maine sabhi almirahs chhaan maari pr bandages kahin mil hi nahi rahi thi.
Tabhi meri door bell bji aur jaise koi bell pr hath rakh kr hath uthana hi bhool gya ho
"TING-TONG"
"TING-TONG"
"TING-TONG"
"TING-TONG"
8:35 PM
Aur maine bhi gusse mein jaise hi door open kiya to samne police thi.
Thank god aap log aa gye, dekhiye wo bahut buri tarah injured hai aap usse jaldi se hospital le jaiye. Waise maine ambulance ko bhi call kr di hai, wo bhi abhi pahunchne wale hi honge.", maine ek hi saans mein ye sb bol diya aur inspector mujhe aise dekh raha tha jaise usse kuch samajh hi na aa raha ho.
"Are you Amaan Kashyap?", inspector ka pehla swaal yhi tha mere liye.
"Yes inspector."
"Hume aapke flat ki talaashi leni hai."
Uske muh se aisa sunn kr main kaafi shocked hua.
"Whattt !!!, mere flat ki talaashi?? Par kyun."
"Kyunki hume pata chala hai ki aapke flat mein kisi ka murder hua hai."
"Whattt, what are u saying inspector.Aapka dimag to kharab nahi ho gya. Neeche sadak par ek ladki marr rahi hai aur aap aaker aisa mazak kr rahe hain.", mujhe najane kaise achanak hi itna gussa aa gya.
"Kaun ladki, kiski baat kar rahe ho tum.", inspector ke is sawaal ka jawab bhi mere paas tha.
Main usse apne room ki khidki ke paas le gya aur usse ishare se neeche dekhne ko kaha.
"Neeche jhankar dekhiye inspector, abhi abhi wahan 2 cars ka accident hua hai, aur wahan ek ladki bhi dikhegi jo zindagi aur maut ke beech jhool rahi hai".
Inspector ne bina koi pal gawaye khidki se neeche ki aur jhanka aur 2 min tk wahin dekhta raha. Shayad jaise mujhe wo nazara dekhne pr shock laga tha , ab inspector ko bhi wahi shock laga hoga.
"Kyun inspector dekh liya na yahan koi murder nahi hua balki ek accident hua hai, aapko kisi ne galat information di hai".
"Ohh, I see, tum sahi keh rahe ho. Yahan accident hi hua hai aur wo bhi itna bura accident ki na to wahan koi car dikh rahi hai na hi koi ladki aur na hi kisi ka khoon baha hai. Sahi mein bahut bura accident hua hai.", inspector kaafi serious tha aur uski ye baat sunnkr main pehle se bhi jyada serious ho chuka tha.
"Kya baat kr rahe ho inspector, wo wahin to hai neeche, dhyan se dekho road pr.", maine duur se hi inspector ko fir se ishara krke neeche dekhne ko kaha.
"Maine toachhi tarah se dekh liya hai Mr. Amaan, mujhe lagta hai ki tumhe ek baar achhe se neeche dekh lena chahiye.", dobara dekhe bina hi wo inspector itna confident tha ki ab to main bhi khidki ki taraf tezi se badh raha tha.
Aur neeche dekhte hi jaise mere pairon ke neeche se zameen khisak gyi ho. Neeche sab kuch normal tha, na hi koi car khadi thi na hi wo khoon mein lathpath ladki aur na hi kuch aisa lag raha tha ki wahan koi accident bhi hua hai.
"Inspector, abhi 10 mins pehle wo yahin thi, maine khud usko dekha tha, uski car buri tarah se damaged thi, maine usse baat bhi ki par wo unconcious thi, beleive me inspector. Main khud samjah nhi pa raa hun ki ekdum se wo kahan chali gyi.", itna to main us accident ko dekhkr nahi ghabraay tha jitna ki ab wahi cheez na dekh kr ghabra raha tha.
"Kya main jaan sakta hun ki aapki saari almirahs aur kapde yun bikhre kyun pade hain Mr Amaan?", inspector ne meri baaton ko ignore krke apna swaal mere aagey rakh diya.
"Main us ladki ke liye bandage lene aya tha. Wahi dhoondh raha tha , isliye sabhi kapde idhar udhar ho gye".
"To fir aapko bandage mili ya nahi", inspector ne badi utsukta se poocha.
"Nahi inspector pata nahi kahan rakh di, aur abhi dusre room mein dhoondhne ja hiraha tha ki aap aa gye", maine saaf saaf sb bta diya.
"Ohh Agr aapko bandage nahi mili to ye aapke hath mein kya hai", inspector ne mere hath ki aur ishara krte huye kaha aur meri aankhen fati ki fati reh gayi, sari bandages mere hath mein thin.
"Bas bahut drama ho gya Mr. Amaan, ab sach sach batao yahan kya hua tha", inspector meri koi bhi baat sunne ke mood mein nahi tha aur isse pehle ki main kuch bolta uska ek constable zor se cheekha
"Saab khoon, khoon saab", uski tez awaaz ne hum dono ke kaan khade kr diye aur hum washroom ki aur daude.
Aur wahan jakr to jaise main behosh hone hi wala tha. Saamne bath'tub mein ek ladki ki laash padi thi.
"Inspector main nahi janta ye kaun hai yaahn par kaise aayi.", main samajh nhi paa raha tha ki aakhir ye sab ho kya raha hai. Aur wo inspector har baar ki tarah is baar bhi meri ek bhi nhi sunn raha tha.
"Saab lagta hai kisi ne iska gala kaatkr iska murder kiya hai", constable aur inspector mein guftgu shuru ho gyi.
"Ae Bishanva, laash ko bath'tub se bahar nikal aur seedha kr, chehra to dekhein iska , aakhir hai kaun ye".
Aur jaise hi unhone us ladki ki laash ko seedha kiya, mujhe ek aur shock laga.
"Oh shitt, ye to !!!! ye to wahi hai." , mere zabaan ladkhada rahi thi.
"Kaun wahi ??", inspector ka agla sawaal.
"Wahi, jiske liye main bandage lene aya tha. I mean isi ka to accident hua tha neeche. Par ye ye yahan kaise aa gyi?" mujhe apni aankhon pr vishwaas nahi ho raha tha.
"Saab saab idhar aao, ye dekho..", bedroom se awaaz aayi is baar.
Jo scene main wahan dekh raha tha mujhe khud ki aankhon pr vishwaas hi nhi ho raha tha.
"Saab inke bed ke neeche se ye khoon mein ranga chaku mila hai aur inke takiye ke neeche se ye white color ka kuch powder bhi mila hai.", constable ke hathon mein chaku aur wo white powder dekh kr main bhochakka reh gya.
"Ary na to ye chaku mera hai aur na hi maine kabhi aisa koi powder hi liya hai. Ye cheezein meri nahi hain inspector.", mere hi flat mein pichle 2 ghnto mein mujhe aisi aisi cheezein mil rahi thi jinko kabhi maine dekha bhi nahi tha.
"Bas bahut ho gya, ab jo bhi kehna sunna hai police station jakr krna. You are under arrest.", inspector ne hathkadiyan nikalte huye bola.
"Aur ab tumhara blood test bhi krwana padega, mujhe shakk hai ki tum drugs lete ho aur is waqt bhi tumne drugs li hain, tumhari aankhon se saaf saaf pata chal raha hai."
"What the hell main nahi karwaunga koi blood test and you cant arrest me like this without arrest warrant", maine chalne se mana kiya.
"Tumhe shakk ki binah pr arrest kr rahe hain, and i can definitely do that Mr. Amaan aur agar tum bekasoor ho to blood test se darr kyun rahe ho. Agar kuch na hua to tumahri begunahi mein hi help krega ye tumhari".
Uski baat bhi sahi thi, jab maine kuch kiya hi nahi tha to main darun kyun. Aur maine blood sample de diya.
Inspector fir constables ki taraf muda " suno, tum log achhe se pure flat ki tafteesh krlo. Jitne bhi saboot mile sab ikathhe krlo aur laash ke aaspaas jitni bhi cheezein hai wahan se fingerprints lena mat bhoolna. Ye case to main aaj raat mein hi solve kr dunga.", aisa bol kar jb wo muskura raha tha to aisa lag raha tha jaise wo mujhe jaankr is case mein fasana chahta hai. Isse pehle ki main kuch samjh pata , hathkadiyan mere hathon mein thi aur main jeep mein.
9:45 pm
"To ab tum mujhe sab sach sach btaoge ki aakhir kahani kya hai , hua kya tha, aur kyun mara tumne us ladki ko", police station mein inspector ki awaaz ab aur tez gunjne lagi thi.
"Kitni baar kahun , maine koi murder nahi kiya, main nahi janta kaun hai wo.", gusse mein tilmila sa gya tha main.
"Achha to tum usse nahi jante !! To aisa lagta hai ki uski laash ko tumhara washroom pasand tha, isliye khud chalkr aayi aur wahan leit gayi.", inspector meri baat samjhne ki koshish hi nahi kr raha tha.
"Dekhiye inspector meri baat dhyan se suniye, main 5:30 bje apne office se nikla tha aur medicine lekr seedha apne flat mein jakr so gya. Uske baad ek dhamake ki awaaz ne mujhe utha diya aur jab maine bahar dekha to 2 cars ka buri tarah se accident hua tha. Uske baad kya hua main aapko pehle hi bta chuka hun.", maine apni sari kahani ek baar fir uske samne rakh di.
"Agar ek min ke liye ye maan bhi lein ki wo khoon tumne nahi kiya to wo laash tumhare flat mein aayi kaise. Tum to akele rehte ho na apne flat mein to fir tumhare siva aur koi to aata jata nahi hoga,", inspector ki baat mein bhi logic tha, main khud hairaan tha ki aisa kaise ho sakta hai.
Tabhi inspector ke table ke uper pada phone zor zor se bjne laga.
Tring-Tring, Tring-Tring..
"Hello, inspector Vaghmare here".
......
"What !! , Are you sure. Theek hai reports lekr jaldi police station pahuncho".
"Haan to Mr. Amaan, abhi thodi der pehle main keh raha tha ki agar main maan bhi lun ki tumne ye murder nahi kiya to . Par afsos ki baat ab ye hai ki main ab ye bhi nahi maan sakta ki ye murder tumne nahi kiya".
"Main aapka matlab nahi samjha inspector.", main inspector ko samjahne ki koshish kr raha tha.
"Jo chaku tumhare bed ke neeche se mila hai aur jo powder mila hai , jispe hume shakk hai ki wo drugs hain " usse forensic department bhej diya gya hai aur uski report abhi 2 ghnte mein aane wali hai. Ab drug report aur fingerprint report aane par sab kuch saaf ho jayega. Abhi 2 ghanto mein pata chal jayega ki us chaku pr kiski ungaliyon ke nishaan hai".
Ab mera sar aur bhi fata ja raha tha.
11:45 pm
2 ghante beet chuke the aur jiska sabko besabri se intezaar tha wo time aa hi gya tha. Finger print reports aane hi wali thi.
Tabhi tez kadmo ki awaaz ne sbka dhyan room mein enter krte huye us constable ki aur kheench liya jiske hath mein forensic report wala envelope tha.
Envelope hath mein aate hi inspector bade maze lekr usse khol raha the "Lo Amaan ji aapki kismat mere hathon mein hai, ab dekhna ye hai ki is paar ya us paar".
Isse pehle ki wo envelope kholta, ek constable duur se hi cheekhta hua aa rha tha "Saab saab, ye jo powder mila tha inke bedroom se chaku ke paas pada hua iski bhi report aa gyi hai forensic lab se." , aur ek aur envelope thama diya usne inspector ke hath.
"Wah, ab to 2-2 envelope hain, dekhte hain ki kaun sa envelope kya kismat lekr aya hai".
Aur ek ek krke wo dono envelope khol chuka tha. Main uski aur dekh raha tha , kaafi relaxed expression the jaise kuch hua hi na ho.
"Dekha maine kaha tha na is murder se mera koi lena dena nahi hai, now leave me.", main bahut jald in sbse nikalna chahta tha.
"Wait..... abhi itni jaldi bhi kya hai.. Kaafi time se wait kiya hai aapne bhi in reports ka to result to sunte jaiye.", inspector ki aankhen chamak rahi thi.
"Aapki dono reports positive aayi hain Mr. Amaan. Chaku pr ungliyon ke nishaan aapki ungaliyon ke nishaano se match krte hain aur according to forensic department ye powder Cocaine hain", inspector ne mujhe installments mein jaise zor ke jhatke diye the.
"What the hell, aisa ho hi nahi sakta , jab maine ko khoon kiya hi nahi to meri ungaliyon ke nishaan kaise aa sakte hain us chaku par,. Inspector try to understand mujhe koi fasane ki koshish kar raha hai. Maine aaj tak beer nahi pee to main drugs kya lunga. Main pichle 48 ghnto se nahi soya hun isliye meri aankhen aapko aisi lag rahi hain. Come on, somebody is playing a game with me. Aap samajhne ki koshsh kyun nahi kr rahe.", main buri tarah se bokhla chuka tha.
"Ohh, to aap pichle 48 ghanto se soye nahi isliye apki aankhonmein jo nasha hai wo drugs ka nahi neend ka hai. Hahaha. achha joke tha Mr. Amaan. Par aapko ek news deni to baaki hai. Aapki blood sample mein isi Cocaine ki presence hai, That means ki is waqt aap Cocaine ke nashe mein hain", ye sunkr mere chehre ka rang ud chuka tha. Koi bahut bada game khel raha tha mere sath aur ab main buri tarah fans chuka tha.
"Ye nahi ho saka inspector , maine sirf medicine li hai wo bhi headache ki. Shayad mere blood sample mein usi ke ingredients mile hon."
"Aisa kuch nahi hai, report mein saaf saaf likha hai ki tumne sirf cocaine li hai aur koi medicine ke ingredients tumhare sample mein nahi mile. Ab to sabhi saboot yahi ishara kr rahe hain ki tumhi ne ye murder kiya hai. Kyun kiya ab ye tum mujhe btaoge".
"Ary main keh raha hun na maine koi murder nahi kiya aur na hi koi drugs li, main poore hosh mein hun aur ek ek cheez bta sakta hun ki 5 bje ke baad se kya kya hua. Mujhe achhe se yaad hai office ke baad main seedha medicose ki shop pr gya , ek 3 rupees ki codeine li , uske paas change nahi tha t usko 100 rupee ka note diya aur kaha ki baad mein change le jaunga aur fir usne kaha ki kal le jana, pr sunday hai aur shop thodi der ke liye hi open hogi , apna number diya aur main... Ek minute ek minute, inspector. Aapko yakeen nahi ho raha na meri baat ka, mere paas us shopkeeper ka number hai, aap abhi usse call krke puch lein mere baare mein ki main usse medicine lekr gya tha ya nahi. Ye lijiye uska number".
Aur inspector ki ungaliyan phone number dial krti chali gyi aur phone bhi speaker par rakha gya tha taaki sabhi sachhai ko sunn sakte.
"Hello , Inspector Vaghmare bol raha hun. Tumse kuch pooch-taachh krni hai. Kya aaj shaam ko 6 bje koi sar dard ki medicine lene aya tha, jisne tumhe 3 rupees ke badle 100 rupees diye the."
"Nahi sir, aisa to koi bnda aaj shop par nahi aya. Aur 6 bje koi kaise aa sakta hai. Aaj dopahar 2 bje ke baad se to shop hi open nahi ki humne. Ghar pr koi function tha na isliye.", shopkeeper ki baat sunkr mujhe mere kaano pr yakeen hi nahi hua aur maine phone apni aur krke usse gusse mein.poocha " Ary main tumhari shop pr aya tha shaam 6 bje . sar dard ki goli lene, Maine 100 rupees diye the tumhe. Tumne kahan tha ki kal ko change le jana aur fir ye number bhi to tumhi ne mujhe diya tha".
"Ary kya baat kar rahe ho bhai saab, koi galat fehmi hui hai aapko, aaj to dopahar se hi shop bnd hai aur kal bhi bnd hi rahegi. Aur mera cell number to meri shop ke uper hi likha hua hai, koi bhi wahan se note kr sakta hai."
"Jhoot....... jhoot bol rahe ho tum, maine khud dekha hai tumhari shop pr koi hoardind nahi laga jispr tumhara number likha ho. Tumhi ne kaha tha na ki kaun faltu ka kharcha kre in cheezon pr."
"Aap kya bol rahe ho sir, ek kaam karo khud jakr dekh lo abhi , meri shop pr mera number likha hua hai ya nahi.", aur shopkeeper ke itna bolte hi inspector ne phone kaat diya.
"Ye jhoot bol raha hai inspector", mere chillane se poora police station gunj utha.
"Chillao mat Mr. Amaan. Bas ek tumhe chodkar sabhi yahan jhooth bol rahe hain. Tum hi to ho ek satyawadi. Kyun??", inspector ki awaaz mujhse bhi jyada gunjne lagi.
"Haan haan main sach bol raha hun. Nahi yakeen hota to chalo mere sath aur khud dekh lo ki wahan hoarding hai ya nahi".
"Chalo, tumhari ye khwahish bhi poori kr dete hain. Par ek baat samajh lena agar is baar bhi tumhari baat jhooti nikli to tumhe mujhse koi nahi bacha sakta", inspector ki dhamki pr mera itna dhyan nahi tha jitna main apne aap ko begunah saabit krne ki soch raha tha har pal.
12:30 AM
Jaise hi hum jeep ki taraf badhne lage to ekdum se meri aankhon ke aagey andhera sa chhane laga, mujhe chakker sa mehsus ho raha tha. Abhi tak main yahi soch raha tha ki neend poori na hone ke karan main weak mehsus kr raha hun. Par ab mujhe bhi lag raha tha ki jaise koi nasha sa chadhne laga tha mujhe. Kahin wakai mein to maine Cocaine nhi li thi. "Main bhi bevkoof hun , kuch bhi sochta rehta hun. Maine aajtak cocaine kaisi hoti hai ye bhi nahi pata, aur khaani to bahut duur ki baat hai. To ho kya raha hai mujhe. I am not getting , what the hell is happening". Main khud se hi sawaal kr raha tha aur khud hi ko jawaab bhi de raha tha. main sach mein pagal ho raha tha.
kab jeep us shop ke aagey pahunch gyi pata hi nahi chala.
"Lo Mr. Amaan , aa gye aapki shop par", inspector ne mujhe shop ki taraf ishara krte huye kaha.
Aur meri nazar seedha shop ke uper lage us hoarding par gyi jahan shop ka naam aur number tha.
"But how could it be possible, abhi shaam tk to ye yahan nahi tha", meri aankhon ko vishwaas nahi ho raha tha.
"Bas bahut ho gya, har baat jhooti saabit hui hai tumhari. Koi bhi hoarding itni jaldi tayar hokr nahi lg sakta aur paint bhi itni jaldi nahi sukhta Mr. Amaan. Ab tumhe is case mein koi nahi bacha sakta . You Are Finished, completly finished. Ab aur kuch hai dikhane ko ya sunane ko??", inspector ki awaaz kaafi bhari ho gyi thi.
"Chalo ab gaadi mein baitho", inspector meri baju pakadte huye gaadi ki taraf chal diya.
"Gaadi, wait inspector. Mere paas us gaadi ka number hai jis accident mein us ladki ko maine dekha tha", mere liye abhi ek darwaza aur khula tha.
"What rubbish, jab wahan koi accident hua hi nahi to tumne kis gaadi ka number note kr liya. Ab ek aur nayi kahani banane lage ho. Par is baar aur bevakoof nahi bana sakte. Chup chaap chalo police staion.", inspector meri kisi baat ko sunne ko tayyar nahi tha.
"Main police station jane se mana nahi kr raha , par aap samjhne ki koshish kyun nahi krte ki maine koi murder nahi kiya. Main is case mein fasaya ja raha hun , kisi ne bahut badi game kheli hai mere sath. Please aap mera sath do inspector. Bas ek baar aur mauka do mujhe begunah saabit krne ka", maine inspector ko convince krne ke liye poori jaan laga di thi.
"Theek hai , ye last chance hai. Car ka number btao".
"DL05192", ye number maine apne hath mein hi likh liya tha.
Constable ko kehkr usne us gaadi ki details mangwayi. Hum police station wait kar rahe the ki tabhi constable aa gya details lekr. Aur jab inspector ne details dekhi to is baar uski aankhen fat rahi thi.
"Kya hua inspector, pta lag gya na kiski gaadi hai wo. Kaun thi wo ladki. Uska address bhi mil gya hoga.", maine question ki line laga di thi uske samne.
"Lo tum khud hi padh lo details", inspector ne file mere aagey kr di.
"Aur jab maine us file mein car owner ka naam dekha to mere pairon ke neeche se zameen khisak gyi. Naam tha "Mr. Amaan Kashyap". "
Address bhi mera hi tha.
Par ye kaise ho sakta hai, maine to aisi car kabhi khareedi hi nhi.
Ab inspector ki nazrein mujhpr aur kadi ho gayin thi.
"Tumahri har baat jhooti saabit hui hai abhi tak aur sabhi baatein yahi ishara krti hain ki tumne hi ye murder kiya hai. Ab ya to khud sab sach sach bta do ya fir hume 3rd degree use krni padegi. Aur uske baad tumhari zubaan yahan khulengi ya fir aankhen hospital mein"., inspector ka kada rukh badhta ja raha tha.
"Aap chahe mujhe yahan rakhein ya hospital, main tab bhi yhi kahunga ki maine ye murder nahi kiya",meri awaaz shayad wahan ki deewaron ke alawa aur koi nhi sunn raha tha.
"Ek minute, ek minute inspector. Mujhe yaad aa raha hai. Maine hospital call ki thi ambulance ke liye. Aap abhi hospital bat krke pata kr lijiye. Unhone hi mujhe first aid dene ko kaha tha.", ek halki si roshni ki umeed abhi baaki thi.
"Tumne police ko samjh kya rakha hai , jaise chaho apni ungaliyon pr nachate rahoge. Abhi tak tumhari ek baat bhi sahi saabit nahi hui. Ab ek aur nayi kahani tayyar krli tumne", inspector apna dnda table pr patakte huye chhillaya.
"Rukiye , main abhi baat krwata hun aapki unse", aur fatafat keypad pr meri ungaliyan daudne lagi.
"Hello", dusri taraf se awaaz aayi.
"Dekhiye abhi thodi der pehle maine yahan call krke ek emergency entry karwayi thi ambulance ke liye. Aap please us call ke records aur information jo maine di thi , wo check kr sakte hain abhi", mera gala bhi ab to sukhne laga tha.
"Wait, wait, wait... Aap kiski baat kar rahe ho. Kahan number milaya hai aapne.", dusri taraf se kaafi unexpected response aya.
"Ary ye St. Teresa hospital hi hai na. Abhi to maine yahan call ki thi".
"Dekhiye aapko kisi ne galat number diya hai, ye koi hospital nahi ye St. Jorge Marchandise Church hai. Sorry to say my son, this is wrong number", aur udhar se phone kaat diya gya.
"Hello hellllooooo, listen to me. Kyun aap sab log jhoot bol rahe hain. Kyun sab ajeeb behave kr rahe hain. Aakhir bigada kya haimaine tum logo ka.", dusri taraf se phone ktne ke baad bhi main yuhin phone pr chillata raha par har baar ki tarah is baar bhi koi sunne wala nahi tha.
"Inspector ye jhoot bol raha hai, main pichle 6 mnths se isi hospital se apne friend ka migrane ka ilaaj karwata raha hun. Aur doctor se isi number par hi main appointment leta hun. Abhi last week hi maine wahan visit kiya hai. Ye jhoot bol rahe hain inspectorrr.", main poora paseene se tar-batar tha.
"Haan haan saari duniya jhooti hai bas ek tum hi raja harish chander paida huye ho. Ye dekho sabhi hospital records, inme kahin bhi is naam ka hospital hai hi nahi. Kam se kam naam to wo liya hota jo exist bhi krta Mr. Amaan".
"Nahi aisa nahi ho sakta, aap chaliye abhi mere sath , main aapko dihata hun, ye is sheher ka sbse bada hospital hai. Aapko kaise nahi maloom iske baaer mein. Aap abhi chaliye inspector.", maine apni taraf se poora insist kiya.
"Dekho, bahut bevakoof ban liye hum aur bahut bana liya tumne. Ab hume majboor mat karo apni aukaat pr aane ke liye aur khud hi sab kuch sach sach bta do", inspector apni seat se uth gya.
"Kitni baar kahun , ye khoon maine nahi kiya, nahi kiya ye khoon maine. Bas ek baar, meri aakhri khwahish samjh kr hi sahi, pr ek baar aap mere sath us hospital chaliye inspector. Please.", mere paas gidgidane ke alawa koi aur chara bhi nahi bacha tha. aur shayad is baar bhi inspector ko kuch laga ki wo meri baat maan gya aur hum hospital ki aur badh chale.
1:15 AM
"Stop, stop inspector, yahi wojagah hai jahan hospital hai.", maine aaspaas ki buildings dekhte hi bta diya.
"Agar jagah yahi hai to hospital kahan hai Mr. Amaan ?"
Aur jab main jeep se bahar nikla to mera dimag fatt sa gya. Wahan pr hospital ki building hi nahi thi aur jo building wahan thi , wo thi "St. Jorge Marchandise Church" .
Ye koi mazak nahi tha, aur na hi main pagal hua tha. Ye meri zindagi ka jeeta jagta bhayanak sapna tha. Aur ab main buri tarah se tuut chuka tha aur meri har umeed bhi tuut chuki thi.
Mujhe kuch pata nahi chal raha tha ki aakhir kuch hi ghanto mein sari duniya aur haqeeqat badal kaise gayi bas ek hi baat ab mujhe pata thi that
"I am goin to be finished now".
END OF PART - 1
