!!**My_Tragic_Love_Story**!!
"Doctor plz kisi bhi tarah , kuch bhi karke use bacha lo.""Hum poori koshish kar rahe hain, aap plz shant rahiye, Condition bahut critical hai. Patience rakhiye plz".
Aur dheere dheere jaise hi uski dhadkanein dheemi hoti ja rahi thi mujhe har wo lamha yad aa raha tha jo uske sath juda tha...
College life ka pehla din. Bahut Excitement aur thoda darr bhi lag raha tha, ragging ka. Khud ko independent mehsoos kar raha tha. No uniform , koi timings ki restrictions nahi, ek alag hi duniya mei aa gya tha. Charon taraf fresh chehre the. Class shuru hui aur kaafi achha laga, ye schools ki classes se thodi different thi. But abhi abhi school se nikle the to kaafi hadd tak discipline hamare sath tha aur hum college classes ko bhi school classes ki tarah hi seriously lete the.. Fir jaise jaise din guzre hum puri tarah college students ban chuke the, no discipline, no classes, regular bunks, mauj masti, daily parties.. Class mein ek chehra tha jo hamesha mujhe apni aur kheenchta tha. Kabhi baat nahi ki thi ya kaha jaye kabhi mauka hi nahi mila kuch baat karne ka. Par fir ek din dil ne suggestion di " ki bhaiya mauke milte nahi, banaye jate hain". To chal diye ek din notes ka bahana bnakr uske paas " Excuse me, Hii, actually i was absent yesterday , kal jo economics ka lecture laga tha uske notes chahiye the". "Wo abhi to mere paas nahi hain, main kal la dungi", she replied. "OK, thanx", aur main chal diya.
"KAVYA", jitna khoobsurat naam tha usse kain zyada khoobsurat thi wo". Lagta jaise aasmaan se pari uter kar is zameen par aa gyi ho. Uska chehra taazi kali ke samaan khila khila sa rehta. Uski aankhen aisi thi mano kuch na keh kr bhi sab kuch keh jati . Uske komal laal, phulon se nazuk hothon par jab hansi aati to aisa lagta jaise zindagi muskura rahi ho. Wo jab chalti to hawayein chalti thin, wo jab rukti to mano waqt thm sa jata. Uske kaale lambe baal aise lagte jaise baadlon pr kaali ghatayein chha gyi hon aur barasne ko tayyar hon. Uski har ada mein ek masti thi. Wo hoti to lagta jaise sab kuch hai aur uske na hone se aisa lagta jaise ye duniya hi nahi. Uske chehre ki chamak ke aagey suraj ki chamak bhi feeki padh jati. Use dekh kar lagta ki usse apni sari khushiyan de dun aur uske sare gamo ko apna bna lun. Uske chehre ki masumiyat, wo bholapan, wo nazakat, wo haya , mujhe har baar uska bna jati thi...Kuch Aisi thi meri "KAVYA".
Next day ka besabri se intezaar tha, isliye nahi ki notes chahiye the, isliye ki us se fir se baat hogi. Saari raat karwatein badalte nikli, neend ka to dur dur tak koi namo nishan hi nahi tha. Ye raat itni lambi kyu hai, guzarti kyun nahi, hey bhagwaan bas aaj ke liye raat sabse chhoti kar do..Jaldi se 8 bja do , plz plz plz, itni bechaini to mujhe paida hone ke baad nahi hui jitni aaj ho rahi thi.
Par bhagwaan ne der se hi sahi par sun li, aur suraj ki pehli kiran se pehle hi main ekdum perfect tayyar hokr ready ho gya. Aur sheeshe ke aagey khada hoker rehearsal karne laga ki kis tarah se us se baat krun jisse best se best impression jaye, I am sure us din to bechara aaina bhi dukhi hoker tutne ko ho gya tha. Aadhi bottle deo ki pure jism pr aise gira di jaise koi pehelwaan kushti karne se pehle pure sharir par teil ki maalish karta hai. Jabki mujhe deo se allergy hai, but pyar, ishq, mohabbat mein hosh hi kisko rehti hai. Puri tayyari ke sath ek ghanta pehle hi college pahunch gaya. Ab aur sabr nahi ho raha tha, kab 8 bjenge aur college khulega, ji haan main bahar parking mein hi baitha college ka gate khulne ka intezaar krta raha. Wahan ka watchman bhi mujhe aise dekh raha tha jaise maine kisi ka khoon kar diya ho aur uske paas saza maaf krwane aaya hun. Nyways ek ek pal, ek ek saal ki tarah guzar raha tha aur barso beetne ke baad aakhir 8 bj hi gye aur college khul gaya. But meri musibat abhi yahin kahtam nahi hui thi, hamari class to 8:30 pr shuru hoti thi, yani ki abhi adha ghanta aur wait karni thi. Chalo jahan 9 ghante 38 min 45 sec wait kiya wahi adha ghanta aur sahi.. Apni class mein gaya aur ek baar fir rehearsal shuru kar di , "Hii yar wo notes laye aap". Agar wo layi hogi to bolegi, "haan ye lo, actually maine sabhi kuch to note nahi kiya par jitna kiya hai wo main le ayi". "Thanx, to main agar ye tumhe kal tak de dun to chalega",.... hmmm, aisa bolna theek rahega. "Theek hai par plz kal yaad se le aana, mujhe bhi padhne hain", aisa hi kuch kahegi fir wo. "Ya sure", halki si smile de dunga..
Aur agar na layi to wo kahegi "oh sorry , main lana bhool gayi". Fir Uske samne udaas sa chehra bnaunga jaise mera sab kuch lut gaya ho aur fir udaas si awaaz mei kahunga "Its Ok, kal le aana". Aisa karne pr senti ho jayegi.
Aise hi rehearsal karte karte kab class ka time ho gya pata hi nahi chala.
Aaj ka din bahut khaas tha...Class mei students aate gye, seats full hoti gyi, Meri nazarein par kisi khaas ke liye class ke darwaze par tiki thin. Dil bol raha tha ab ayegi ab ayegi. Sabhi aa chuke the, even ki teacher bhi. Lecture shuru ho gya. Par main abhi bhi darwaze ki taraf hi dekh raha tha, tabhi 'door' par hulchul si hui aur mere dil mein bhi. 'Door' khula to dekha ki dusra koi teacher tha. Fir mujhe bahut gussa aya "pata nahi bachhon se college sahi time par kyun nahi pahuncha jata, discipline naam ki koi cheez hi nahi hai, pata nahi kyun studies ko seriously nahi lete aajkal ke students". "Arey ye kya main kab se aisi baatein krne laga, kamaal hai mujhe aakhir ho kya raha hai, itna utawala to main kisi ke liye kabhi hua hi nahi, mujhe samjhte der nahi lagi ki main us se really mein love karne laga tha". Ek ek karke sabhi lectures lagte rahe aur main isi aas mei baitha raha ki shayad wo ye lecture lagane aa jaye, uske chakker mein maine is semester mei pehli baar ek din mei saare lecture lagaye the. Sabhi lecture over ho chuke the aur meri bechaini 100 guna badh chuki thi, ab fir se sadiyon lambi raat, hamari mulakaat ke beech mei aane wali thi. Kyun bnayi bhagwaan tune ye raat, yahin soch raha tha us waqt main aur sath hi sath usper bhi gussa aa raha tha "Waise to daily aati hai, ek lecture bhi nahi chhodti, aur aaj chhutti karke baith gayi, ghar hi baitho na kya zarurat hai college aane ki, ye ladkiyan hamesha apne baare mei hi sochti hain, dusro ki feelings se koi matlab nahi inhe, ek number ki matlabi, selfish, dhokebaaz" , aur pata nahi kya kya dimag mei chal raha tha us waqt.
Aag-babula hua college ke gate tak pahuncha hi tha ki ek frnd ne awaaz dekr rok liya " Arey yar tujhe pata chala", thoda excited sa lag raha tha. "Abe kya pata chala , kya ho gaya ", main to pehle se hi frustrated tha, to thodi frustration uspr bhi nikal di.
"Yar wo Kavya ka accident ho gaya aaj, shes serious, Chandigarh PGI refer kiya hai usse"..
"O shit, aisa nahi ho sakta yaar", mere galey mein mano awaaz hi nahi thi aur sharir mei jaise jaan hi nahi bachhi thi. Main wahin se bus stand ki taraf bhaga aur seedha chandigarh ki bus pakdi...Pure safar mein bas yahi dua kar raha tha ki usse kuch na ho, wo bilkul theek ho jaye. Agar maine apni zindagi mein aaj tak ek bhi achha kaam kiya ho bhagwaan to usse kuch na ho. Main khud ko bebas sa mehsus kar raha tha. Hospital pahunchte hi pata chala ki wo operation theatre mein hai aur peechle 2 ghante se uska operatoin chal raha hai. Uske ghar wale sabhi wahan the, "kaise hua uncle ye sab", Kavya ke father se pucha. "Beta subah college ke liye nikali thi, fir thodi der mein phone aya ki kuch notes lene bhool gayi hai, ye wahi notes the jo wo sari raat baithkr banati rahi. Usne kaha "unhe table par nikal ke rakhein, main lene aa rahi hun", aur fir aate waqt ek car se uska accident ho gya, aur fir......" uncle ke ansun chhalak pade...." , kavya unki ikloti ladki thi, usi mei unhe apna beta, apna pura parivar dikhta tha aur aaj wo hi zindagi aur maut ke beech jhul rahi thi".
Tabhi operation theatre ka door khula aur doctor bahar aaya "I am sorry, condition is still critical, kuch keh nahi sakte, aap usse mil sakte hain". Meri aankhon mei aansun the, "kyuuun...., aakhir kyun bhagwaan mujhse wo log chheen leta hai jinhe main pyar karta hun". Sabhi parivaar waale kavya ko ghere khade the. Tabhi doctor ne sabko ek ek krke milne ko kaha..Main darwaze pr khada usse dekhne ki koshish kar raha tha par himmat nahi ho rahi thi usse aisi haalat mein dekhne ki. Usne mujhe dekha , shayad usse yakeen nhi hua ki main uske paas hun, usne halka sa hath ka ishara krke mujhe paas bulaya , Main ro raha tha aur kuch keh nahi pa raha tha. Main uske paas khada tha, uske pure chehre par pattiyan bndhi thin, wahi chehra jise har roz subah sbse pehle aankh khulte hi dekhna chahta tha aaj usne wohi chehra mujhse chupa rakha tha. Uske wo komal honth aaj pathher se bejaan pade the, fir dheeme se usne mujhse kaha "kitna time laga diya tumne notes mangne mein". Uski ye baat main samajh nahi paya. Fir wo boli "main kab se intezaar kar rahi thi ki tum kab aaoge kisi bahane se ek din mere paas, aur notes bhi tumne us din ke mange jis din main bhi absent thi". Par aaj jab tum aaye to main ja rahi hun. Meri ankhein fati ki fati reh gyi "to tum bhi absent thi us din, to wo notes sari raat tum mere liye prepare kar rahi thi......o shit kitna bevkuf tha main jo samjh hi nhi paya, Plz Mat Jao, main sara din tumhara class mein wait karta raha, kitna intezaar karwaya tumne aur ab ruk bhi nahi rahi ho. This is not fair.", main apne pyar ko narazgi mein jatane ki koshish kar raha tha....
Meri aankhon se aansu rukne ka naam hi nahi le rahe the..
Aaj mujhe pata chala ki maine kitni badi galti ki, apne pyar ka izhaar karne mei maine itna waqt laga diya ki aaj waqt hi nahi bacha..Par ab aur nahiiii....
Maine uska hath thama aur bol diya "I LOVE YOU".... Maine aaj tak ye lafz kisi ko nahi kahe the aur na hi kabhi socha tha ki kisi ko kahunga, par aaj main khud ko rok nahi paya. Uske hothon pr ek dheemi si muskaan aayi, main intezaar kar raha tha uske reply ka. Par uski muskaan wahin thm si gyi. "Doctor, kya hua Kavya ko", main chhillaya. "Oh my god, Heart beat is collapsing", doctor replied.
"Doctor plz kisi bhi tarah , kuch bhi karke use bacha lo.", main chahkr bhi kuch nhi kr pa raha tha.
"Hum poori koshish kar rahe hain, aap plz shant rahiye, Condition bahut critical hai. Patience rakhiye plz".
Fir achanak samne screen pr mujhe uski dhadkanein dheemi hoti dikhayi di. Aur kuch hi seconds mein ek stright line beep ke sath chal rahi thi. "Doctor kya hua, what happened..??", mere chhillane mein mera darr chupa tha..
"I am Sorry, She Is No More", he replied. Aur jaise meri dhadkan bhi wahin ruk si gyi.
Kabhi kabhi hum sari zindagi rehearsal mein hi nikal dete hain par ek time aisa bhi aata hai jab hume perform karne ka mauka hi nahi milta. Zindagi se zyada unpredictable cheez aaj tak mujhe nahi mili. Har pal , har lamha, aane wale pal ke sath jooda hua hai. Hum kabhi kabhi sochte reh jate hain aur zindagi ek din fir sochne ka mauka hi nahi deti. Jab hum hote hain tab waqt nahi hota , aur jab waqt hota hai tab hum nahi hote. Kaash wo pal waapis aa jayein, college ka wo din waapis aa jaye jb maine pehli baar Kavya ko dekha tha aur usi waqt usi ka ho gya tha , taaki main usi waqt usse keh sakta apne dil ki baat. Par na hi kabhi guzra waqt waapis laut kar aaya hai aur na hi kabhi khoyi hui zindagi. Is waqt ne meri zindagi hamesha ke liye badal di.
Ab har raat usi bechaeni ke sath karwatein badalta hun, sochta hun ki bhagwaan ne ye raat aakhir bnayi hi kyun, subah suraj ki pehli kiran se pehle hi ekdum perfect tayyar hoker sheeshe ke aagey rehearse karta hun, har baar ki tarah aaina bhi dukhi hoker tutna chahta hai, pr shayad ab usse bhi iski aadat si ho gyi hai, fir 7 bje college ki parking mein gate ke khulne ka wait karta hun, ab to watchman bhi nahi ghurta, 8 bje class mein jaker us se kaise baat shuru krunga practice karta hun, 8:30 bje sabhi class mein aane shuru ho jate hain, main darwaze ki taraf dekhta rehta hun ki wo ab ayegi ab ayegi, sabhi aate hain sabhi jate hain, main sabhi lectures lagata hun ki shayad wo ye lecture lagane aaye, par wo aaj bhi nahi aayi... kyun log college mein bunks marte hain , kyun itne indisciplined hote hain, kyun time se college nahi aate...Har din usi tarah shuru hota hai aur har raat waise hi dhalti hai. Sab kuch chal raha hai par main aur mera waqt thm sa gaya hai. Main sara din kavya ka usi tarah intezaar karta hun aur Fir wo mujhe daily evening mein milti hai aur dheeme se smile karti hai, aur uski wo muskurahat wahin thm si jati hai......
Main aaj bhi Kavya ki us pyari si smile ke baad wale reply ka wait kar raha hun...Mujhe yakeen hai wo ek din zarur laut kar ayegi, mera hath thamegi aur kahegi " I LOVE U TOO..."
Hey Guys hope u like this story.. Actually i hav promoted this story as my own love story.. But it ws just a part of promotion.. When I was writing this story, i decided to promote it as my own love story..
All the characters in this story are fictious and any resemblence to actual person, living or dead, is entirely coincidental...
I love to write love stories with tragic endings but my sis suggested me to write a happy ending love story... Next time, i'll try for it... For now... bbyeee.... n stay tuned for my next saga....
Buy Books From Amazon.com on Tragic Love Stories :
Clover : The Tragic Love Story of Clover and Henry Adams and Their Brilliant Life in America's Gilded Age
Even the Vultures Have Moved On (A Tragic Love Story)
THE TRAGIC TALE OF TURKEY BOY; AN AMERICAN LOVE STORY
